ਸੁਲਤਨਾਪੁਰ ਲੋਧੀ, 15 ਨਵੰਬਰ ,(ਲਾਡੀ,ਦੀਪ ਚੋਧਰੀ,ਉ ਪੀ ਚੋਧਰੀ) ਵਾਤਾਵਰਣ ਪ੍ਰੇਮੀ ਤੇ ਰਾਜ ਸਭਾ ਮੈਂਬਰ ਸੰਤ ਬਲਬੀਰ ਸਿੰਘ ਸੀਚੇਵਾਲ ਦੀ ਅਗਵਾਈ ਹੇਠ ਦਿਨ ਰਾਤ ਚੱਲ ਰਹੀ ਕਾਰਸੇਵਾ ਸਦਕਾ ਮੰਡ ਇਲਾਕੇ ਦੇ ਅੱਜ ਕਈ ਪਰਿਵਾਰਾਂ ਦੇ ਚਿਹਰਿਆਂ ਤੇ ਮੁੜ ਮੁਸਕਾਨ ਪਰਤ ਆਈ ਹੈ, ਜਦੋ ਸੰਤ ਸੀਚੇਵਾਲ ਵੱਲੋਂ ਖੁਦ ਟਰੈਕਟਰ ਚਲਾ ਕਿ ਉਹਨਾਂ ਦੀ ਜ਼ਮੀਨਾਂ ਵਿੱਚ ਕਣਕ ਦੀ ਬਿਜਾਈ ਸ਼ੁਰੂਆਤ ਕੀਤੀ ਗਈ।
ਜ਼ਿਕਰਯੋਗ ਹੈ ਕਿ ਅਗਸਤ 2025 ਮਹੀਨੇ ਦੌਰਾਨ ਆਏ ਹੜ੍ਹਾਂ ਨੇ ਇਸ ਇਲਾਕੇ ਦੇ ਵਿੱਚ ਭਾਈ ਤਬਾਹੀ ਮਚਾ ਦਿੱਤੀ ਸੀ। ਮਹੀਨਾ ਪਾਣੀ ਦੀ ਮਾਰ ਝੱਲਣ ਤੋਂ ਬਾਅਦ ਜਦੋ ਇਸ ਇਲਾਕੇ ਵਿੱਚ ਪਾਣੀ ਉਤਰਿਆ ਤਾਂ ਕਿਸਾਨਾਂ ਦੀ ਜ਼ਮੀਨਾਂ ਵਿੱਚ ਕਈ ਕਈ ਫੁੱਟ ਤੱਕ ਰੇਤਾਂ ਜਮ੍ਹਾ ਹੋ ਗਈ ਸੀ। ਜੋ ਇਹਨਾਂ ਗਰੀਬ ਕਿਸਾਨਾਂ ਲਈ ਕੱਢਣੀ ਬਹੁਤ ਹੀ ਜ਼ਿਆਦਾ ਮੁਸ਼ਕਿਲ ਸੀ।
ਸੰਤ ਸੀਚੇਵਾਲ ਜੋ ਅਕਸਰ ਹੜ੍ਹ ਦੌਰਾਨ ਮੋਹਰੇ ਹੋ ਕੇ ਅਗਾਹਵਾਧੂ ਭੂਮਿਕਾ ਨਿਭਾਉਂਦੇ ਹਨ। ਉਹਨਾਂ ਇਸ ਵਾਰ ਵੀ ਅਗਸਤ ਮਹੀਨੇ ਦੇ ਪਹਿਲੇ ਦਿਨ ਤੋਂ ਇਸ ਇਲਾਕੇ ਕਿਸਾਨਾਂ ਤੇ ਲੋਕਾਂ ਲਈ ਦਿਨ ਰਾਤ ਲੱਗੇ ਹੋਏ ਹਨ ਤਾਂ ਜੋ ਮੁੜ ਤੋਂ ਆਪਣੇ ਪੈਰਾਂ ਤੇ ਖੜ੍ਹੇ ਹੋ ਸਕਣ।
ਜਾਣਕਾਰੀ ਦਿੰਦਿਆ ਕਿਸਾਨ ਜਰਨੈਲ ਸਿੰਘ ਨੇ ਦੱਸਿਆ ਕਿ ਇਹ ਇਲਾਕਾ ਬਿਆਸ ਨਾਲ ਜੁੜੇ ਹੋਣ ਕਾਰਣ ਕਈ ਵਾਰ ਹੜ੍ਹਾਂ ਦੀ ਮਾਰ ਝੱਲ ਚੁੱਕਾ ਹੈ, ਪਰ ਜਿੰਨੀ ਤੇਜ਼ੀ ਨਾਲ ਇਸ ਵਾਰ ਇਸ ਇਲਾਕੇ ਦੇ ਕਿਸਾਨਾਂ ਦੀ ਜ਼ਿੰਦਗੀ ਮੁੜ ਲੀਹਾਂ ਤੇ ਪਰਤੀ ਹੈ ਉਹ ਆਪਣੇ ਆਪ ਵਿੱਚ ਇਕ ਮਿਸਾਲ ਹੈ। ਉਹਨਾਂ ਦੱਸਿਆ ਕਿ ਇਸ ਇਲਾਕੇ ਤੇ ਸੰਤ ਸੀਚੇਵਾਲ ਦਾ ਹੱਥ ਪਹਿਲੇ ਦਿਨ ਤੋਂ ਹੀ ਕਾਇਮ ਹੈ ਜਿਹਨਾਂ ਦੀ ਅਪੀਲ ਤੇ ਦੂਰ ਦਰਾਡੇ ਤੋਂ ਸੰਗਤਾਂ ਆਪਣੇ ਟਰੈਕਟਰ ਮਸ਼ੀਨਾਂ ਆਦਿ ਲੈ ਕੇ ਪਹੁੰਚ ਗਈਆਂ। ਜਿਸ ਸਦਕਾ ਅੱਜ 100 ਏਕੜ ਦੇ ਕਰੀਬ ਖੇਤ ਮੁੜ ਅਬਾਦ ਹੋ ਗਏ ਹਨ। ਉਹਨਾਂ ਦੱਸਿਆ ਕਿ ਸੰਤ ਸੀਚੇਵਾਲ ਦੀ ਅਗਵਾਈ ਵਿੱਚ ਕਾਰਸੇਵਾ ਦੇ ਇਹ ਕਾਰਜ਼ ਜਾਰੀ ਹਨ।
